Без љубов, врските се едноставно невозможни. Љубовта е основен елемент во секоја врска и бара зачувување како највредно богатство доколку сакате вашата врска да опстане.

Ако сте сигурни дека сакате да го поминете остатокот од животот со вашата сродна душа, одржувањето на љубовта во врската нема да биде проблем, но понекогаш љубовта не е едноставна. Понекогаш е потребно многу време и труд за да се одржи во живот и да не се остави да изумре. Важно е да се разбере дека врските имаат физички и емоционални компоненти, а одржувањето на рамнотежа и хармонија не е секогаш лесно да се постигне.

Но,  ако навистина сакате некого, клучот е да не се откажувате од личноста. Љубовта може да биде парадоксална, тешка за разбирање и понекогаш тешка за објаснување, но тоа е најскапоценото нешто што можеме да го доживееме во животот. Иако понекогаш ви се чини дека носи само болка и збунетост, поминуваат неколку дена и веќе сте на небо од среќа. Тоа е природата на љубовта. Љубовта ретко одговара на сликите што ни ги прикажуваат филмовите, па нашите очекувања понекогаш се претерани и премногу „холивудски“.

Вистина е дека љубовта може да боли.

Може да се заљубите во личност која не може да ви возврати на љубовта, или која не знае да сака или едноставно не е подготвена за врска. Тоа е во ред, дури и ако е крајно болно. Во такви моменти може да изгледа дека целиот свет се распаѓа, но всушност не е така. Емоциите доаѓаат и си одат како и сè друго во животот. Исклучително е важно да не се откажувате од љубовта. На овој свет очајно му треба љубов, дури и ако понекогаш носи болка.

Љубовта е ризик.

Љубовта е ранливост. Љубов е кога не знаеш што ќе донесе утре. Но, никогаш нема да доживеете вистинска среќа ако не се осмелувате да ризикувате. Дури и лошото искуство може да биде лекција што ќе ви помогне да ја пронајдете вистинската љубов порано или подоцна. Љубовта е исто така процес на учење. Учиме за себе, за другата личност, за односите и за светот околу нас. Понекогаш љубовта бара компромиси. Вие и вашиот партнер треба одвреме – навреме да се откажете од нешто за да добиете нешто повеќе за возврат. Тоа е суштината на љубовта.

Се друго не смее да биде компромис. Важно е да не се менувате за други луѓе. Ако мислите дека некој ќе ве сака само ако станете нешто друго и играте по нивните правила, се лажете. Никогаш да не го правите тоа! Ќе завршите длабоко несреќни и, уште поважно, осамени. Ако некој сака да биде со вас, таа личност мора да ве сака онакви какви што сте. Треба да го сакате секој дел еден од друг на ист начин. Ако мислите дека љубовта значи да се откажете од она што го сакате, тоа е голема грешка.

Љубовта значи да најдете некој кој навистина ќе ве направи среќни и ќе биде љубезен со вас. Ако саканата личност само си дозволува да биде сакана, ако треба буквално да молите за внимание, тогаш тоа не е врска. Тоа не е љубов. Понекогаш раскинувањето  е болно, особено ако сè уште ја сакте личноста. Но, тоа треба да го направите за ваше добро. На крајот ништо добро нема да излезе од тоа и ќе останете со скршено срце.

Во врските, мора да бидете верни на себе.

Врските треба да бидат лесен товар за вашата душа, пријатен и исполнет. Ако некој се однесува лошо со вас, ако ве понижува и навредува, ако се обиде да ве промени и да ги наметне своите правила, таа личност не ви одговара. Таа личност никогаш нема да биде вистинската за вас. Нема ништо лошо во тоа да најдете некој кој сака да станете подобра верзија од себе и да ви помогне да растете.

Тоа значи дека оваа личност го гледа вашиот потенцијал и се гордее со вас. Сепак, не е нормално некој да сака да станете сосема друга личност. Најлошо е кога некој ќе ви постави ултиматум: „Ќе останам ако…“ Во такви ситуации бегајте што подалеку. Никогаш не моли некој кој се заканува дека ќе си замине и ќе ти раскине да остане. Ако некој не сака да биде со вас, ништо нема да го спречи. Пушти го.

Прво и основно, мора да се сакате и почитувате себеси. Ако не го направите вие, никој друг нема. Зачувај си го достоинството. Никогаш не моли никого за ништо, особено не за љубов. Никогаш не барај љубов. Немаш моќ да натераш некој да те сака.

Ако оваа личност сака да се промените за да останете заедно, веднаш кажете му збогум. Само така ќе бидете среќни и вие и таа личност. Ако нешто не е замислено, нема да се случи. Ако немате љубов во моментов, не се обесхрабрувајте. Верувајте во љубовта и вистинската љубов ќе ве најде порано или подоцна. Љубовта е мистериозна и неостварлива, но е и најскапоценото нешто што можеме да го имаме во животот.

извор:Odmorimozak