На редовното собрание на Веслачката федерација на Македонија, одржано на 15.02.2025 година, со едногласна поддршка од сите присутни делегати, за нов претседател беше избран М-р Коста Хиохи.

Познат по својата посветеност кон спортот, ентузијазмот и визионерскиот пристап, Хиохи зад себе има долгогодишно искуство како спортски работник, тренер и селектор на македонската веслачка репрезентација. Неговата професионална кариера е обележана со пожртвуваност, човек со исклучителна посветеност кон спортот, визионерски лидер и вистински мотиватор, чии труд и ентузијазам оставаат длабока трага во македонското веслање. Неговата страст, пожртвуваност и непоколеблива верба во спортските вредности го прават инспирација за сите што го познаваат, а како професор по спорт во „Јахја Кемал“ Колеџ, инспирира бројни млади спортисти.

Во својот поздравен говор, Хиохи изрази благодарност до претходното раководство за нивната посветеност и најави динамични организациски промени насочени кон унапредување на веслачкиот спорт во Македонија. Еден од клучните проекти ќе биде формирањето на подготвителни центри во Охрид и Струга, со што ќе се создадат подобри услови за развој на младите таленти.

Покрај тоа, Хиохи е познат и како еден од организаторите на спортскиот фестивал „Илинден“, манифестација која промовира спортски дух, тимска работа и здрави животни навики. Неговата заложба за развојот на спортот ќе продолжи и преку интензивна соработка со меѓународната федерација ФИСА, Министерството за спорт и Олимпискиот комитет, со цел подигнување на македонскиот веслачки спорт на повисоко ниво.

Со овој избор, Веслачката федерација добива лидер со визија, енергија и искрена љубов кон спортот, кој несомнено ќе донесе позитивни промени и нови успеси на македонските веслачи.