Во организација на Спортско-рекреативниот клуб „Соларис“ од Струга, како и со учество на сите други спортски клубови, спортисти, ентузијасти, професионалци и аматери, со поддршка и помош од Црвен крст – Струга, и пред сѐ, со сесрдната и несебична помош на нашите спонзори, помагачи и пријатели, на 2 август 2024 година ќе биде организирано третото издание на Спортскиот фестивал Илинден 2024.

Концептот на спортските активности за третото издание на фестивалот опфаќа организација на разни спортски натпреварувања на вода:

• Трки во кајак
• Трки во СУП штици
• Трки во пливање
• Такла
• и многу други забавни атракции и активности на вода

Отворена пријавата за учество на Спортскиот фестивал Илинден.

Почитувани натпреварувачи,
Спортскиот фестивал Илинден постои за Вас. Трета година создаваме посебна приказна за Струга и тоа заедно.
Апликацијата која стои пред Вас е начинот да го пријавите Вашето учество на фестивалот. Согласно овогодинешните правила тоа може да го направите во две од четирите натпреварувачки дисциплини: пливање, кајак, суп и такла. Пропозициите за учество ќе бидат објавени на официјалната фејсбук страна на фестивалот, последователно на оваа апликација.

• Датумот и локацијата на натпреварувањата е добро познат. Сепак потсетување!
  Ден: 02.08.2024 година
• Локација: Кеј на река на Црн Дрим (паркот кај Тинекс)
• Пријавувањето се одвива во периодот од 01. 07. 2024 г. до 25. 07. 2024 г. или до пополнување на бројот по натпреварувачка дисцилина.

Не размислувајте многу. Пријавете се веднаш!