Храна Archives - Era.mk

Ресторан Антика – Вкус на традицијата во мод…

admin — Thu, 11 Jul 2024 21:58:38 +0000

Ресторан Антика, сместен во центарот на Струга, во близина на Мостот на поезијата и струшката чаршија, е местото каде што традицијата и кулинарската уметност се спојуваат. Со долгогодишна традиција, Антика нуди широк спектар на специјалитети на скара и секаков вид на пијалоци.

Овде можете да ги организирате вашите посебни моменти или било какви пригоди. Направете резервации за да го осигурате вашето место.

Ве покануваме да го посетите Ресторан Антика да уживате во нашите врвни специјалитети, пријатна атмосфера и врвна услуга од нашиот посветен персонал. Нека вашите посебни моменти бидат незаборавни во Антика.

Резервирај на: +389 46 783468

Адреса: Кеј Борис Кидрич бр.34 Струга 6330

Контактирајте не за повеќе информации и резервации!

The post Ресторан Антика – Вкус на традицијата во мод… appeared first on Era.mk.

Риверсајд Кафе Бар и Ресторан во нашиот прекрасен …

admin — Mon, 01 Jul 2024 17:00:56 +0000

Со големо задоволство ви најавуваме повторното отворање на Ривердсајд Кафе Бар и Ресторан во нашиот прекрасен град Струга!

Со истата локација, во центарот на Струга, по текот на реката Црн Дрим, во комплексот Фати Трејд.

Уживајте во нашата опуштена и пријатна атмосфера
Широк избор на освежителни пијалоци и вкусни јадења
Прекрасен поглед кон реката Црн Дрим

Отворање наскоро!

Добредојдовте во Ривердсајд Кафе Бар и Ресторан – вашето ново омилено место во Струга!

The post Риверсајд Кафе Бар и Ресторан во нашиот прекрасен … appeared first on Era.mk.

Зошто да го одберете Грифон – бар, ресторан …

admin — Mon, 01 Jul 2024 15:11:42 +0000

Центар на Струга: Нашето сместување е лоцирано во самиот центар на Струга, блиску до главните атракции и удобности, така што ќе можете лесно да го истражите градот.
Удобни апартмани: Нашите апартмани се модерно опремени и удобни, идеални за одмор и релаксација.
Пријатна атмосфера: Создаваме пријатна и опуштена атмосфера каде што можете да се одморите и уживате во вашето време во Струга.
Широк избор на пијалоци: Нашиот бар нуди богат избор на алкохолни и безалкохолни пијалоци, за да уживате во вашите омилени напитоци.
Шиша: Ако сте љубител на шиша, нудиме широк избор на вкусови за една релаксирачка вечер.
Деликатеси, пици и салати: Во нашиот ресторан можете да уживате во разни деликатеси, вкусни пици и свежи салати, подготвени со најквалитетни состојки.
Срдечен персонал: Нашиот персонал е секогаш тука за да ви помогне и да направи вашиот престој пријатен и незаборавен.
Бесплатен интернет: Останете поврзани со светот со нашата бесплатна интернет конекција, достапна во сите делови на објектот.

Грифон е идеалното место за вашето следно патување во Струга – ние ќе се погрижиме да се чувствувате како дома!

Контакт тел: +38971619600

+38978529137

The post Зошто да го одберете Грифон – бар, ресторан … appeared first on Era.mk.

Започнува празничен период. Внимавајте на исхрана…

admin — Mon, 27 Nov 2023 15:19:43 +0000

Сите сме виновни за прекршокот „полнење на стомаците кога всушност не сме гладни“. Свесно или несвесно, си дозволуваме храната да стигне до нашиот желудник, без тој да ја побарал. Кога се случува повремено, хранењето во отсуство на реален глад и не е толку страшно. Но, кога се вгнездува во секојдневието, станува закана за убавата линија на телото, а понекогаш и за здравјето.

Дали ви се случило да грицкате само затоа што ви е здодевно, сте нервозни или лути? Дали сте личност која ги гледа празниците и специјалните пригоди како зелено светло за прејадување?

Физичкиот глад не треба да биде игнориран. Но, посегнувањето по храна за задоволување на емоционален апетит или апетит поттикнат од нашата околина, е лоша навика која не се вклопува во концептот здрава исхрана.

Еве кои се најчестите причини зошто јадете кога не чувствувате глад:

Празник е или специјална прилика. Кога познавате многу луѓе, секој ден може да биде специјална прилика. Родендени, крштевки, свадби… само што сте помислиле дека дошол крајот, започнува празничен период – Велигден, Нова Година. Може да ви изгледа како секој ден да е исполнет со калорични прослави прелиени со алкохол.
Совет: Празниците не треба да се гледаат како дозвола за прејадување. Потсетете се дека забавите се за луѓето, а не за храната. Не заборавајте на контролата и не претерувајте со порциите.
Жедни сте. Многу луѓе го мешаат гладот со жедта, па се склони да јадат кога всушност сè што им е потребно е чаша вода.
Совет: Следниот пат кога ќе почувствувате глад, напијте се вода и почекајте 10 минути. Ако гладот не одмине, слободно пуштете ја раката кон избраната храна.
Користите терапија со храна за да се справите со стресот, нервозата, лутината, осаменоста… По кавгата со саканиот утеха барате во чоколадото? Главоболката од стресниот работен ден ја намалувате со неконтролирано грицкање пред телевизорот? Сите некогаш сме биле жртви на емоционалното јадење, но храната не ги елиминира проблемите.
Совет: Пред да се залетате кон фрижидерот, запрашајте се дали навистина сте гладни или стресот и нервозата ви ја активираат потребата за јадење. Размислете кои емоции се вашата Ахилова пета. Откако ќе ги откриете, полесно ќе ви биде да реагирате соодветно кога тие ќе нападнат. За да се ослободите од емоционалниот глад, поразговарајте 10-ина минути со ваша пријателка, одете на прошетка во најблискиот парк или посетете ја фитнес салата.
Гладни сте за сон. Факт е дека апетитот е посилен и потежок за контролирање кога не сме доволно наспани. Виновни за тоа се лептинот и грелинот, хормони одговорни за контролирање на апетитот и чувството на ситост. Недоволниот сон го намалува нивото на лептин, хормон кој му кажува на мозокот дека сте примиле доволно храна, а го зголемува нивото на грелин кој го буди гладот.
Совет: Стремете се кон 7-8 часа сон.
Храната е диетална. Морате да признаете дека читањето на зборот „диетална“ или „light“ на паковањето ви ја смирува грижата на совеста и ве кани да каснете неколку залаци повеќе и покрај внатрешната ситост. Но, треба да знаете дека овие производи не се без калории само затоа што го носат натписот „диетални“.
Совет: Ограничувањето на порциите и контролирањето на бројот на оброци е неопходно, независно дали во вашата исхрана доминира диетална или недиетална храна.
Здодевно ви е. Сигурно ви се случило често да го отворате фрижидерот за време на здодевен врнежлив викенд или да грицкате бидејќи нема со што друго да ги ангажирате рацете. Здодевноста е рецепт за внесување на дополнителни калории.
Совет: Најдете активности кои ве исполнуваат, како читање книга, кои ќе бидат ваша опција кога досадата ќе нападне.
Јадете во големо друштво. Колку повеќе луѓе има на масата на која јадете, толку повеќе се зголемува бројот на калории кои ги внесувате, бидејќи потешко ќе можете да ги одбивате идеите за мезење или порачување на вкусен десерт, како и честите наздравувања со чаша алкохол.
Совет: Зачувајте ја контролата при хранењето, независно од околината и научете се да велите „не“ и покрај инсистирањата на околината.
Навикнати сте да го празните садот без оглед на големината на порцијата. Празнењето на садот по навика е уште една причина зошто јадете и кога не сте гладни. Навиките се трајно врежани во нашето однесување, па тешко е да се одвикнеме од истите.
Совет: Користете помали садови или полнете помали порции за да го избегнете прејадувањето. Запомнете, садот не мора да биде празен кога ќе станете од масата.
Се откажувате од вашите пороци. Конечно собравте храброст и му го зададовте решавачкиот удар на никотинскиот демон? Откажувањето од пушењето е одлична вест, но не и кога ја дофаќате храната секогаш кога желбата за никотин ќе нападне. За многу личности храната е привлечна и навидум безопасна алтернатива за да ги држат рацете зафатени без да посегнат по цигарата, но вистината е дека таа лесно може да доведе до прејадување и дебелеење.
Совет: Пронајдете активност која ќе ви помогне да ги надмудрите пороците, како спортување или поинтензивно дружење.
Храната едноставно ви е пред очи. Не можете да стоите настрана од грицките на гостинската маса? Не мислевте да јадете колач по ручекот, но тој едноставно се најде до вашата рака? Не е лесно да ѝ одолеете на храната кога таа ви ги боде очите.
Совет: Подалеку од очите, подалеку од устата – сместете ја храната што подалеку од вас. Но доколку нема каде да избегате и таа е едноставно пред вас, запрашајте се дали сте навистина гладни пред да ја испружите раката.

The post Започнува празничен период. Внимавајте на исхрана… appeared first on Era.mk.

Вегетаријанство

admin — Wed, 01 Nov 2023 08:23:09 +0000

Во светски рамки сè повеќе луѓе се интересираат за вегетаријанството и сè поголем е бројот на луѓе кои поради најразлични причини се откажуваат од месото и продуктите од животинско потекло. Многумина преминуваат кон вегетаријанска исхрана поради грижата за животните и животната средина, или пак, заради сопственото здравје, но кај друг дел вегетаријанци мотивацијата има религиозна или економска позадина.Вегетаријанците прифаќаат посебна исхрана која го исклучува консумирањето на месо (вклучително риба и морска храна). Здружението на вегетаријанци го дефинира вегетаријанецот како личност која се храни со житарки, мешунки, јаткасти плодови, семиња, овошје и зеленчук, а може да консумира и јајца и/или млеко и млечни производи.

Вегетаријанството не е минлив тренд како што би го опишале одредени лица, туку тоа е начин на живеење и размислување, прифаќан и негуван векови наназад. Исто така, на вегетаријанската исхрана не треба да се гледа како на диета за слабеење, тоа е промена во животниот стил која вклучува нов режим на хранење.

Вегетаријанството опфаќа повеќе типови на исхрана и многу често доаѓа до забуни при дефинирањето. Можеби сте слушнале „Веган сум, не вегетаријанец“ или „Вегетаријанец сум, но не јадам јајца“ или „Вегетаријанец сум, но јадам риба“. Токму поради различните преференции на лицата кои практикуваат вегетаријанска исхрана, се издвојуваат неколку типови на вегетаријанци.

Ово-лакто-вегетаријанци. Покрај растителните продукти, консумираат и јајца и млеко и млечни производи. Оваа група на вегетаријанци е најбројна и кога некој ќе каже дека е вегетаријанец, се претпоставува всушност дека е ово-лакто-вегетаријанец, односно поимите се поклопуваат.
Ово-вегетаријанци. Покрај растителни продукти јадат и јајца, но ги исфрлуваат од исхраната млекото и млечните производи.
Лакто-вегетаријанци. Покрај растителни продукти консумираат и млеко и млечни производи, но ги исфрлуваат од исхраната јајцата.
Вегани. Строги вегетаријанци кои целосно ги исфрлаат од исхраната производите од животинско потекло, дури и медот. Веганството не подразбира само специјален начин на исхрана, туку тоа е дефинирано како филозофија и стил на живот. Веганите го осудуваат секое искористување, мачење и убивање на животни, па не носат облека од вистинска кожа и природно крзно, повеќето избегнуваат продукти изработени од волна и свила и не користат производи кои се тестирани на животни.
„Сирови“ вегани. Вегани кои вклучуваат во својата исхрана само свежи и неготвени зеленчуци, овошни плодови, јаткасто овошје, мешунки, семиња, житарки, билки, растителни масла и свежи сокови. Храната може единствено да се готви на температура до 48°C.
Фрутаријанци. Исхраната им се базира на овошни плодови. Некои вклучуваат и јаткасти плодови и семки.
Радикални фрутаријанци. Консумираат единствено овошни плодови кои сами паднале од растението на земја.

Дополнително постои уште една категорија на т.н. полу-вегетаријанци. Тука спаѓаат лицата кои во исхраната вклучуваат риба или месо од живина, но не и месо од цицачи. Многумина избираат ваква исхрана како преоден чекор за полесно прилагодување кон вегетаријанската исхрана.

Пескотаријанци. Покрај растителни продукти консумираат и риба.
Полотаријанци. Се хранат со растителни продукти, но јадат и пилешко месо.
Поло-пескотаријанци. Покрај растителна храна, јадат и месо од живина и риба, односно „бело месо“.

Здружението на вегетаријанци е категорично дека полу-вегетаријанците не спаѓаат во групата вегетаријанци, бидејќи вегетаријанството ги исклучува сите видови месо.

Неретко се среќава уште една група која се поврзува со вегетаријанството, т.н. флекситаријанци (повремени или флексибилни вегетаријанци). Станува збор за релативно нов термин кој ги опишува лицата кои воглавно се хранат со растителна храна, но понекогаш јадат и месо.

Добро испланираната вегетаријанската исхрана не само што не го нарушува, туку и го подобрува здравјето. Клучот кон здравата вегетаријанска диета е консумирањето на разнообразна храна, при што посебно внимание треба да се посвети на внесувањето на железо, протеини, витамин Б12, омега-3 масни киселини, калциум, цинк и витамин Д.

The post Вегетаријанство appeared first on Era.mk.

Кето исхрана

admin — Fri, 06 Oct 2023 11:44:00 +0000

Кето исхрана е начин на исхрана кој во праксата се покажал како ефикасен третман за слабеењe.

Тоа е диета богата со протеини и масти, а сиромашна со јаглехидрати. Во продолжение прочитајте повеќе зошто оваа диета е ефикасна и како помага во слабеењето.

Што е кето диета и на кој начин функционира?

Кетогената исхрана се базира на принципот на внес на поголеми количини масти и протеини, а минимален внес на јаглехидрати.

За нашето тело да генерира енергија потребно му е “гориво”, а тоа гориво го користи од јаглехидратите. Тие во телото се разложуваат на прости шеќери од кои најважна улога има глукозата. Таа е наједноставниот и најдостапен извор на енергија. Кога не внесувате доволно јаглехидрати во телото, тоа почнува да бара некој друг извор на енергија за да ги задоволи своите потреби. При недостаток на глукоза, телото започнува да ги согорува мастите и нив да ги користи како “гориво”. Кога ќе го доведете телото во таа состојба, вие всушност се наоѓате во состојба позната како кетоза. А тоа е и моментот кога започнува и процесот на слабеење!

Кетозата е состојба којашто настанува во организмот како последица на метаболички процес кој се нарекува кетогенеза. За време на овој процес телото генерира енергија од масните киселини кои се мобилизираат од масното ткиво. Продукт на разградба на масните киселини е супстанцата наречена ацетил-коензим А која исто така се добива и при разградба на глукозата. Ацетил-коензим А е главниот молекул кој што учествува во процесот на генерирање енергија во телото преку клеточното дишење. Разликата е во тоа што при разградба на една масна киселина се добиваат многу молекули на ацетил-коензим А кои телото не може во целост да да ги искористи за генерирање енергија. Вишокот неискористени молекули се групираат меѓусебно и формираат кето тела.

Како заклучок од тоа е дека за време на кетогена исхрана бидејќи телото нема достапни шеќери за добивање на енергија, бара алтернатива и доаѓа до мобилизација на мастите од масното ткиво при што започнува процесот на слабеење.

Кои се симптомите на кетоза?

Во првите денови при започнување на кетогена исхрана, телото се соочува со состојба која воопшто не му е природна. Сето тоа е благодарение на модерната исхрана на 21-виот век која изобилува со многу јаглехидрати и прости шеќери со кој го преоптоваруваме нашиот организам, што не било случај со нашите предци кои во најголем степен се исхранувале од дивечот којшто го ловеле.

Првите симптоми на кетоза воопшто не се пријатни и тоа особено во првите неколку денови. Но, тоа е знак дека вашето тело започнува да реагира. Најчести симптоми се: главоболка, слабост и умор, жед, метален вкус во устата, мачнини и болки во стомакот. несоница и зачестено мокрење.

За да ги намалите овие симптоми при започнување на ваквиот начин на исхрана мора да пиете многу течности, да внесувате витамини, минерали или да правите протеински напитоци кои ќе ви дадат енергија и ќе ги олеснат симптомите на кетозата. Повеќето од овие симптоми исчезнуваат после 2-3 дена кога телото ќе се прилагоди на состојбата.

Освен симптомите коишто се главен индикатор за тоа дали влегувате во кетоза, мерењето на кетоните во урината е поточна метода којашто со сигурност ке ви потврди дали сте во кетоза или не.

Што вклучува кетогената исхрана?

Кетогената исхрана пред се подразбира намален внес на јаглехидрати и тоа од 20 до 50 g. дневно. Поточно во оваа диета јаглехидратите се застапени со само 5%, протеините со 20%, а мастите дури 75%.

Дали треба да броите калории додека сте на оваа диета?

Пожелно е да знаете колку калории е потребно да внесете во текот на денот, за да знаете на кој начин да ги комбинирате мастите и протеините.

Количината на протеини која треба да ја внесете треба да е во сооднос со вашата тежина. Правилно е да јадете 1 g протеини на 1 kg тежина. Кога тој број на протеини ќе го помножите со 4, добивате број на калории кои што треба да ги внесете од протеините. Тоа е затоа што 1 g протеини содржи 4 калории.

Остатокот калории кои треба да ги внесете, треба да бидат од масти. За да одредите колку точно калории, потребно е од вкупниот број на калории кои треба да ги внесете во текот на денот да го одземете бројот на протеински калории и вредноста да ја поделите со 9. Тоа е затоа што 1 g масти содржи 9 калории.

Количината на јаглехидрати треба да биде под 50 g на ден. Ова значи дека треба да го ограничите внесот на овошје затоа што овошјето содржи многу шеќери (табела со вредности за тоа колку шеќер има во овошјето), а за таа сметка да го зголемите внесот на зеленчук и тоа зелен лиснат зеленчук (табела со нутритивни вредности на најупотребуваните зеленчуци) којшто е полн со витамини и минерали, а ќе ве одржи под границата од 50 g јаглехидрати дневно.

Што да јадете кога сте на кето диета?

Кетогената исхрана е едноставна, треба да избегнувате готова храна и прехрамбени производи, шеќер, скроб, тестенини, а воедно да внимавате и на внесот на овошје.

Кетогената исхрана ги вклучува следните продукти:

месо, риба и морски плодови – можете да јадете пилешко, мисиркино, телешко или свинско месо , како и сите видови на риба и морски плодови.

јајца– подготвени на било кој начин.

масла – сончогледово, маслиново, кокосово – овие масла ќе ви помогнат да ја подготвите храната, а на тој начин ќе внесете и дел од мастите кои се неопходни во кето диетата.

зеленчук – зелена салата, краставица, карфиол, ќељ, брокула, лук, рукола, пиперка, тиквица и домат.

јаткасти плодови – ореви, лешници, бадеми

семиња – ленено семе, сусам, чиа семе

Рецепт: Протеински солени мафини со 0 јаглехидрати

Продукти кои треба да ги избегнувате:

шеќер во сите облици – избегнувајте слатки, сокови, житарици, тестенини и колачи

скроб – леб, компир, ориз, грав, грашок, леќа, цвекло, морков

овошје – внимавајте на внесот на овошје бидејќи само една овошка може да ја надмине границата од 50 g.

Какви се искуствата со кето диета?

Доколку се придржувате до правилата, ќе имате позитивно искуство со оваа исхрана. Во првата недела ќе се чувствувате исцрпено, затоа што на телото му е потребно време да се навикне на новата состојба. Но, во првите неколку денови ќе загубите најмногу килограми. Голем дел од тоа ќе биде и вода.

Првите симптоми на кетогената исхрана можат да ве уплашат и да ве обесхрабат. Но, тоа се сосема нормални симптоми. Тоа е нагла промена на која телото мора да се прилагоди. Зачестено мокрење е еден од начините на кои телото започнува да се прилагодува при што ги исфрла вишокот течности од телото.

Оваа диета е првично развиена за терапевтски цели. Искуствата покажале дека кетогената исхрана е доста корисна во лечење и олеснување на симптомите на епилепсија, Алцхајмерова болест, дијабетес, па дури и како ефиксно оружје против некои видови на канцер.

Дали премногу масти или проотеини во исхраната можат да влијаат на процесот на слабеење?

Искуствата во кето исхраната покажале дека лошо придржување кон правилата може да доведе до тоа резултатите да не бидат такви какви што ги очекувате. Ова се некои од причините за неуспешност на кетогената диета:

имате преголеми очекувања – во почетокот на оваа диета ќе изгубите доста тежина преку губењето на вишокот течности. Губењето на масните наслаги во почетокот ќе биде помалку видливо и поспоро. Доколку се занимавате со физичка активност, треба да имате на ум дека и мускулите си имаат своја тежина. Процесот на губење на масни наслаги започнува веднаш, но тоа не е видливо веднаш. Потребно е да бидете стрпливи и полека да се насладувате на постигнатите резултати.

не сте го намалиле доволно внесот на јаглехидрати – бидете внимателни и имајте на ум дека шеќери има и во зеленчукот кој е дозволен во овој начин на исхрана. Бирајте ја храната внимателно и следете го убаво сопственото тело.

внесувате премногу јаткасти плодови – овие намирници се дозволени во оваа диета, но внимавајте со нив бидејќи содржат многу калории (табела со нутритивни вредности на јаткастите плодови).

Дали кетогената исхрана има лоши последици?

Постојат одредени здравствени состојби каде кето диетата не е диета од избор. Тоа е најчесто дколку имате проблеми со бубрезите. Бубрезите имаат улога да ги отстранат отпадните материи од нашето тело. Бројот на кето тела кои мора да се исфрлаат од телото при овој начин на исхрана е зголемен, така што бубрезите имаат многу работа.

Најбитно е за време на овој начин на исхрана да го следите сопственото тело и знаците и симптомите кои телото ви ги испраќа. Доколку диетата и после првите неколку денови ве прави да се чувствувате исцрпено, и почетните симптоми продолжуваат, консултирајте се со лекар дали овој начин на исхрана е правилен избор за вас.

Исто така многу е битно пред почетокот на диетата да направите контрола на крвните параметри, и тоа да го следите и за време на диетата, се со цел да не си го загрозите сопственото здравје.

Предности на кетогената исхрана

Оваа диета освен за слабеење се применува и како третман за лечење на многу болести. Главни предости на кето исхраната се следните:

слабеење
ниско ниво на шеќер во крвта
повеќе енергија
изградба на мускули, но само доколку за време на диетата се занимавате и со физичка активност

Како и другите диети кај кои не добивате цел спектар на хранливи намирници, така и кето исхраната не е долгорочно решение и не треба да биде животен стил. Тоа е само начин да успеете да ја постигнете идеалната тежина. За да не ги вратите килограмите, вежбајте повеќе и полека започнете да ги внесувате сите продукти во секојдневната исхрана. Избегнувајте преработена храна и слатки кои освен врз килограмите имаат негативен ефект и врз целокупното здравје.

The post Кето исхрана appeared first on Era.mk.